"Meqa Sığorta"nın yığımlarının həcmi 13 milyon manata yaxınlaşır - DAXİLOLMALAR 18% ARTIB

“Meqa Sığorta” ASC sığorta yığımlarını artırmaqda davam edir. FED.az xəbər verir ki, bu ilin yanvar-aprel ayında sığorta şirkəti 12,269 mln. manat sığorta haqqı toplayıb. "Meqa Sığorta" bu ilin I rübünü uğurla başa vurdu - ŞİRKƏT BÖYÜMƏKDƏ DAVAM EDİR Sığorta  şirkətinin yığımları son bir illə müqayisədə 1,847 mln. manat, başqa sözlə 18% artıb. Əvvəlki ilin eyni dövründə “Meqa Sığorta” ASC-nin yığımları 10,422 mln. manat olub. Qeyd edək ki, “Meqa Sığorta” ASC sığorta şirkətləri arasında sığorta yığımlarının həcminə və dinamikasına görə 6-cı pillədə qərarlaşıb. Hesabat dövründə şirkət müştərilərinə 4,182 mln manat sığorta ödənişi edib ki, bu da illik müqayisədə 1,552 mln. manat və ya 59% artım deməkdir. Ötən ilin eyni dövründə sığorta ödənişləri 2,632 mln. manat olub.  “Meqa Sığorta” ASC sığorta şirkətləri arasında sığorta ödənişlərinin həcminə görə 6-cı, sığorta ödənişlərinin artım dinamikasına görə 7-ci yerdə olub. Qeyd edək ki, “Meqa Sığorta” ASC 2010-cu ildən fəaliyyət göstərir və hüquqi və fiziki şəxslərə 35 növ könüllü və icbari sığorta məhsulları, eləcə də 100% səhmdarı olduğu “Meqa Həyat Sığorta” ASC vasitəsi ilə həyat sığortası üzrə sığorta xidmətləri göstərir. Şirkət Bakı və Azərbaycanın müxtəlif regionlarında 16 filial və nümayəndəlik şəbəkəsi, *8778 Çağrı Mərkəzi və https://meqasigorta.az/online onlayn satış platforması ilə müştərilərin xidmətindədir. Şirkət sığorta yığımlarının, sığorta ödənişlərinin və məcmu kapitalının həcminə görə sığorta bazarının lider şirkətlərindən biridir.